Ministrat e Mbrojtjes të NATO-s adresojnë sfidat kryesore të sigurisë
Ministrat e Mbrojtjes të NATO-s do të takohen në Bruksel këtë javë (26-27 qershor 2019) për të marrë vendime për të vazhduar modernizimin e Aleancës. Përpara takimit dy-ditor, Sekretari i Përgjithshëm i NATO-s Jens Stoltenberg përvijoi temat kryesore për diskutim, duke përfshirë shkeljet e Rusisë ndaj Traktatit të Forcave Bërthamore të Mesme (INF), përparimin në ndarjen e barrës, qëndrimin e mbrojtjes dhe parandalimit të NATO-s, teknologjitë e reja dhe misioni në Afganistan.
Ministrat do të diskutojnë përparimin në ndarjen më të drejtë të barrës brenda Aleancës. “Sot, ne po lançojmë për herë të parë shifrat për shpenzimet e mbrojtjes 2019 dhe mund të njoftoj se rritja reale për 2019 është 3.9% në të gjithë aleatët evropianë dhe Kanada”, tha Sekretari i Përgjithshëm. Ai nënvizoi se aleatët kanë rritur në pesë vjet rresht, rritjeje në shpenzimet e mbrojtjes. “Deri në fund të vitit të ardhshëm, aleatët evropianë dhe Kanadaja do të kenë shtuar një total kumulativ prej më shumë se njëqind miliardë dollarë që nga viti 2016,” tha ai. Aleatët gjithashtu po investojnë më shumë në aftësi të reja dhe forcohen me më shumë forca për misionet dhe operacionet e NATO-s.
Të mërkurën (26 qershor 2019), ministrat do të trajtojnë shkelje të vazhdueshme të Rusisë të Traktatit të INF. “Ne i bëjmë thirrje Rusisë që të marrë rrugën e përgjegjshme”, tha Sekretari i Përgjithshëm, duke shtuar se aleatët po planifikojnë të mbajnë një takim të Këshillit NATO-Rusi javën e ardhshme për ta ngritur këtë çështje përsëri. Ministrat pritet të vendosin për hapat e ardhshëm të NATO-s, në rast se Rusia nuk kthehet në pajtueshmëri të plotë dhe të verifikueshme me Traktatin e INF-it.
Ministrat gjithashtu do të diskutojnë implikimet e sigurisë së teknologjive të reja, së bashku me Përfaqësuesin e Lartë të BE / Zëvendëspresidentin Federica Mogherini dhe homologët e tyre nga Finlanda dhe Suedia. “Këto teknologji ngrenë sfida dhe mundësi për të gjithë ne dhe kjo mund të jetë një fushë premtuese për bashkëpunimin e ardhshëm NATO-BE”, tha Sekretari i Përgjithshëm.
Të enjten (27 qershor 2019), ministrat do të adresojnë zbatimin e forcimit të parandalimit dhe të mbrojtjes të NATO-s, përfshirë Iniciativën e gatishmërisë së NATO-s. Ministrat pritet gjithashtu të miratojnë politikën e parë hapësinore të NATO-s. “NATO mund të shërbejë si një forum kyç, duke i sjellë aleatët së bashku për të ndarë aftësitë dhe informacionin”, tha Sekretari i Përgjithshëm.
Afganistani gjithashtu do të jetë në rendin e ditës, me një takim të të gjitha kombeve që kontribuojnë në Misionin Mbështetës të Përhershëm të NATO-s. “Ndërsa situata e sigurisë mbetet serioze, ne shohim një mundësi unike për paqe”, tha Sekretari i Përgjithshëm. Aleatët e NATO-s mbështesin plotësisht përpjekjet e SHBA për të arritur një zgjidhje paqësore në Afganistan dhe angazhimi i vazhdueshëm i Aleancës, si me forcat dhe fondet, është çelësi për krijimin e kushteve për paqe.
Fraksion.com
