Tjetër viktimë në Durrës: Mbytet një 60 vjeçar
Është shënuar një tjetër viktimë në plazhet shqiptare, gjatë këtij sezoni turistik. Raportohet se një pushues i moshës 60-vjeçare është mbytur në plazhin e Durrësit.
Ngjarja e rëndë ka ndodhur pranë shtëpisë së pushimit të Ministrisë së Brendshme, në zonën e Plepave.
Raportohet se 60-vjeçari është nxjerrë i pajetë nga uji pak minuta më parë. Trupi i pajetë po transportohet drejt morgut, ndërsa nuk dihet ende identiteti.
Kjo është viktima e dytë brenda 24 orëve në plazhin e Durrësit, pasi mëngjesin e sotëm u nxor i pajetë nga ky plazh 31-vjeçari Doland Molla, i zhdukur mesditën e djeshme.
Fraksion.com
