Të shtëna me armë zjarri në Durrës, plagoset një person

Një person ka mbetur i plagosur me armë zjarri mesditën e sotme në autostradën Tiranë-Durrës.

Ngjarja ka ndodhur në zonën e ish-Kënetës, ku si pasojë e të shtënave ka mbetur i plagosur Julian Meçaj.

I plagosuri është dërguar me urgjencë në spitalin e Durrësit ku ndodhet nën kujdesin e mjekëve.

Nuk dihet ende se kush është personi që ka qëlluar drejt Meçaj, teksa rrethanat janë ende të paqarta.

Lidhur me këtë ngjarje nga ana e policisë hetimet janë në vijim, për të zbuluar gjithë sa ka ndodhur.

Fraksion.com