“Po hedhin në erë urën që na lidh me BE”; Rama: Nga presidenti e me rradhë para drejtësisë
“Duan të hedhin në erë Shqipërinë. Disa parti politike janë kundër Evropës. Reforma në Drejtësi do ndëshkonte të gjithë me radhë, nga presidenti, ish presidenti, kryeministri, ish-kryeministri. Kjo është arsyeja themelore e kësaj orvatjeje, ku bashkohet ankthi nga drejtësia dhe frika nga zgjedhjet. E ku më mirë me shpresë për të realizuar këtë hedhje në erë të sistemit sesa duke marrë peng procesin zgjedhor.
Procesi është për zgjedhjet vendore. Marrja peng e tij është një orvatje për t’i mbyllur Shqipërisë derën e negociatave. I gjithë plani me përgjime të pashetuara e të dorëzuara tek partia politike, që njofton përgjimet e Gjermanisë para se të dalin, gjetja e vendit pikërisht në Gjermani, kalendari aspak i përputhur me kalendarin e protestave, flasin vetë. Është një revolucion imagjinar me punonjës bashkie me policë bashkiakë me të rinj rrugëhumbur që maskohen por që funksionon në raport me qëllimin”, tha Rama.
Fraksion.com
