Nënshkruhet dokumenti; 6 vende të NATO-s përcaktojnë fushat e bashkëpunimit në ajër

Franca nënshkruan një Letër Qëllimi me Belgjikën, Gjermaninë, Luksemburgun, Holandën dhe Norvegjinë për bashkëpunimin në strategjinë e transportit ajror, karburantin e ajrit

Ditën e djeshme më 18 qershor 2019, gjashtë aleatë të NATO-s ndërmorën një hap kritik drejt rritjes së kapacitetit të ardhshëm të çisternës dhe aftësive të transportit (MRTT-C). U nënshkrua një letër qëllimi për bashkëpunim rreth MRTT-C  midis Francës dhe pesë pjesëmarrësve aktualë të MRTT-C: Belgjika, Gjermania, Luksemburgu, Holanda dhe Norvegjia. Kjo do të ndihmojë që operacionet e mirëmbajtjes dhe riparimit të MRTT-C të jenë më të volitshme. Letra e Qëllimit përcakton fushat e bashkëpunimit, duke përfshirë shkëmbimin e ekspertizës dhe trajnimin e përbashkët.

Iniciativa MRTT-C do t’u sigurojë pjesëmarrësve të saj ngritjen strategjike të ajrit, furnizimin me karburant në ajër dhe evakuimin mjekësor, duke u mundësuar atyre që të kryejnë operacione ajrore më fleksibël. Pjesëmarrësit në iniciativë do të operojnë me avionë Airbus A330 MRTT duke filluar nga viti 2020. Një total prej tetë avionësh do të prokurohen dhe operohen nga vendet pjesëmarrëse në vitet në vijim.

Programi MRTT-C është një iniciativë e Agjencisë Evropiane të Mbrojtjes. Avionët janë në pronësi të NATO-s dhe të prokuruara nga Agjencia për Mbështetjen dhe Prokurimin e NATO-s (NSPA) përmes Organizatës për Bashkëpunimin e Përbashkët të Armatimeve (OCCAR). Pronësia e NATO-s lejon që të gjithë pjesëmarrësit të përfitojnë nga flota e plotë përmes një koncepti fleksibël dhe të garantuar të bashkimit dhe ndarjes. Ata do të vendosen në aeroportet Eindhoven dhe Këln dhe do të përfshijnë një aftësi evakuimi mjekësor 24/7. Pjesëmarrja në iniciativën MRTT-C është e hapur për shtetet e tjera anëtare për t’u bashkuar.

Projekti është një shembull i bashkëpunimit efektiv midis NATO-s dhe Bashkimit Europian në shpërndarjen e aftësive kritike për të mirën e të gjithëve.

Fraksion.com