Cakaj: Kërkesa e Holandës për rikthimin e vizave do të refuzohet nga KE

Ministri në detyrë për Europën dhe Punët e Jashtme Gent Cakaj tha ditën e djeshme se “me përgjegjësi të plotë”, duke u bazuar në informacionet nga kontaktet me organet e Bashkimit Evropian, kërkesa e Holandës për rikthimin e vizave me Shqipërinë do të refuzohet nga Komisioni Evropian.

Ministri në Detyrë Cakaj tha se nuk përmbushet asnjë nga pesë kushtet e nevojshme dhe se si rrjedhojë ka informacion që nuk do të pranohet kërkesa e Holandës.

Në emisionin “Opinion” , Cakaj tha gjithashtu se për herë të parë, duke paralajmëruar një vendim në muajin tetor, Këshilli i Bashkimit Evropian ka vlerësuar në përfundimet e veta rekomandimin pozitiv të Komisionit për hapjen e negociatave me vendin tonë.

Fraksion.com