Masat kundër pastrimit të parave, për të mbrojtur ekonominë kombëtare

Kështu theksoi sot në Kuvend, deputeti i Partisë Socialiste, Alket Hyseni.

“Gjenerimi i fondeve të paligjshme të parave të pista patjetër që e dëmtojnë konkurrencën, dëmtojnë biznesin e ndershëm, i cili me mund e përpjekje përballon konkurrencën nga këto fonde, të cilat nuk kanë synim realizimin e një fitimi nga biznesi, por kanë synimin e vetëm të pastrojnë paratë që burojnë nga aktivitetet kriminale të çdo forme, por shpesh herë nga veprat korruptive të zyrtarëve shtetërorë”, tha Hyseni.

Sipas tij, jemi dëshmitarë që Shqipëria në këto vite tranzicioni gangrenë ka pasur korrupsionin.

“Nuk themi që është eliminuar, por janë marrë masa të forta sidomos 6 vitet e fundit që kanë mundësuar që elementët që synojnë të shkelin ligjin në këtë drejtim ti kenë shtigjet më të ngushta dhe me këto ligje ti ngushtojmë hinkën edhe më shumë duke i dhënë mundësi agjencive ligjzbatuese, të cilat me organizimin më të ri që bëjmë me këto ligje të bëjnë më të mundur një luftë më efikase e eficente”, tha Hyseni.