Kuvendi bëhet gati ta shkarkojë, Meta njofton tjetër konferencë
Ndërsa Kuvendi mblidhet sot për një mocion me debat në lidhje me vendimin e Kreut të Shtetit Ilir Meta për të shfuqizuar 30 qershorin si datën e zgjedhjeve vendore, vetë Presidenti njofton një tjetër konferencë.
Zyra e Shtypit të Presidencës njofton se Kreu i Shtetit do të dalë sërish sot në orën 17:00 në një konferencë. Ftohen mediat që të jenë të pranishme.
Nuk dihet se çfarë do të komunikojë Meta, por ajo që dihet ështe se dalja e tij vjen pas seancës së Kuvendit, gjatë së cilës do të miratohet edhe një rezolutë për shkarkimin e Presidentit.
NJOFTIMI I PRESIDENCËS
Të nderuar kolegë!
Sot në ora 17:00, konferencë për shtyp në Presidencë.
Ftohet media të jetë e pranishme, edhe me transmetim LIVE!
Ju falëminderit për bashkëpunimin!
Fraksion.com
