Pas akuzuave për përdhunim, Neymar përfundon në polici

Ylli i futbollit i Brazilit Neymar është paraqitur në një stacion policor në Rio de Janeiro për të bërë një deklaratë pas një akuze për përdhunim, tha avokati i tij.

Ylli mohoi akuzat për përdhunimin e Najila Trindade në një hotel në Paris më 15 maj dhe falënderoi tifozët e tij jashtë stacionit për mbështetjen.

Trindade ngriti padi të premten e kaluar duke thënë në një kanal televiziv se donte drejtësi.

MasterCard pezulloi një fushatë reklamuese me Neymar.

Kompania e kartës së kreditit tha se do të ndalonte përdorimin e imazheve të yllit të futbollit, që është imazhi më i shtrenjtë në botë dhe luan për Paris St-Germain, derisa situata të zgjidhet.

Nike Inc tha se ishte shumë i shqetësuar për akuzat për përdhunim ndaj Neymar, të cilin e sponsorizon.

Neymar u paraqit në polici me paterica pasi lëndoi kyçin e këmbës së djathtë gjatë ndeshjes së Brazilit me Katarin në Brazilia të mërkurën.

“Ne jemi absolutisht të sigurt që do të provojmë pafajësinë e klientit tonë. Neymar dha të gjitha sqarimet që duhet të jepeshin”, tha avokati.

Duke folur në derën e stacionit të policisë, futbollisti u shpreh: “Vlerësoj mbështetjen dhe të gjitha mesazhet që bota më ka dërguar, miqtë, tifozët e mi, që bota është me mua. Ju falenderoj.”

Trindade, e cila është gjithashtu nga Brazili, thotë se u njoh me Neymar në Instagram.

Ndërsa deklaroi për televizionin SBT Brasil se ishte tërhequr nga futbollisti dhe kishte dashur të bënte seks me të.

Ajo fluturoi drejt Parisit dhe u vendos në një hotel me shpenzimet e tij. Kur u takua me Neymar, ajo tha se ishte agresiv dhe krejtësisht ndryshe nga djali që kishte njohur në mesazhe.

Trindade shtoi se ishte përgatitur fillimisht për seks konsensual dhe i kishte kërkuar futbollistit përdorimin e një prezervativi.

Sipas saj Neymar refuzoi, u bë agresiv dhe e përdhunoi.

Edhe pse i kishte thënë të ndalej, Trindade pohon se ai kishte refuzuar.

Ajo e përshkroi incidentin si “një sulm me dhunë”. SBT publikoi një pjesë të intervistës në Tëitter (në portugalisht).