Stoltenberg: Polonia jep kontribut të madh për sigurinë tonë të përbashkët

Sekretari i Përgjithshëm i NATO-s Jens Stoltenberg vlerësoi angazhimin e fortë të Polonisë ndaj Aleancës gjatë vizitës të Presidentit Andrzej Duda në Shtabin e NATO-s më 4 qershor 2019. Të dy udhëheqësit diskutuan mjedisin aktual të sigurisë dhe përgatitjet për Samitin e liderëve të NATO-s në Londër në dhjetor.

Sekretari i Përgjithshëm falënderoi Poloninë për kontributin e saj në praninë e ardhshme të NATO-s në Letoni dhe Rumani, pjesëmarrjen e saj në policinë ajrore të NATO-s, si dhe për forcat e saj të dislokuara në misionet trajnuese të Aleancës në Afganistan dhe Irak. Z. Stoltenberg gjithashtu falënderoi Poloninë për udhëheqjen me shembullin e saj të shpenzimeve të mbrojtjes duke investuar dy për qind të PBB-së në mbrojtje, prej të cilave më shumë se njëzet përqind është e përkushtuar ndaj aftësive të reja.

Sekretari i Përgjithshëm theksoi praninë e fortë të NATO-s në Poloni, që përfshin objektet kyçe dhe Grup betejën shumëkombëshe. Z. Stoltenberg vuri në dukje se NATO kohët e fundit ka rënë dakord të investojnë 260 milionë dollarë në një projekt të madh për të  mbrojtur dhe ruajtur pajisjet ushtarake të SHBA të para-pozicionuara në Poloni. Ai gjithashtu përshëndeti që Polonia rregullisht organizon stërvitje dhe ushtrime, duke përfshirë Stërvitjen Noble Jump, e cila aktualisht është duke testuar vendosjen e Task Forcës së Përbashkët të Gatishmërisë së NATO-s, “E gjithë kjo tregon që Polonia është e përkushtuar fuqimisht për në NATO dhe se NATO është fuqimisht e përkushtuar ndaj  sigurisë të Polonisë. Kjo është e rëndësishme pasi ne vazhdojmë të përshtatemi me mjedisin më të paparashikuar të sigurisë në një brez”.

Fraksion.com