Balla apel Bashës: Ndalo sulmin kundër Shqipërisë

Kreu i grupit parlamentar të PS-së, Taulant Balla ka reaguar përmes rrjeteve sociale lidhur me tensionet në protestën e opozitës së bashkuar. Balla apelon kryedemokratin Basha te heqë dorë nga urdhërat që sipas tij jep për dhunë ndaj institucioneve dhe për goditjen e punonjësve të Policisë së Shtetit. Deri tani janë plagosur shtatë bijë nënash në krye të detyrës.

“Lulezim! Hiq dorë nga urdhërat që jep për dhunë ndaj institucioneve dhe për goditjen e punonjësve të Policisë së Shtetit. Deri tani janë plagosur shtatë bijë nënash në krye të detyrës.

Ndalo sulmin kundër Shqipërisë, Lulezim!

Shqiptarët dhe partnerët e Shqipërisë e dinë mirë se çfarë skenari ogurzi ke ti dhe padroni yt, por harroje se ti mund ta cënosh sado pak rrugën Europiane të Shqipërisë.” shkroi Balla.

Fraksion.com