Fshehu dënimin në Itali; Dënohet me 9 muaj burg ish-gjyqtari Thanza
Gjykata e Tiranës ka dënuar me 9 muaj burg ish-anëtarin e Gjykatës së Lartë Admir Thanza, nën akuzën e falsifikimit të formularëve të dekriminalizimit, por vendimi pezullohet dhe konvertohet në 18 muaj shërbim prove.
Para vendimit, Thanza, ka deklaruar para trupit gjykues se është i pafajshëm dhe nuk ka fshehur asnjë dënim ndaj tij.
50-vjeçari po gjykohet për zbulimin e ONM-së, në të cilin rezulton i dënuar nga Gjykata italiane me 40 ditë burgim për vjedhjen e një supermarketi.
Por sipas mbrojtjes së ish-gjyqtarit, nuk ka pasur dënim penal nga Italia, por një sanksion të dhënë me marrëveshje për një vepër që ai këmbëngul se nuk e ka kryer.
Thanza i kërkoi gjyqtarit të çështjes të japë vendim, i pandikuar nga “vetingo-fobia” sipas tij. Sipas Thanzës, nuk kishte dënim penal nga Italia ndaj tij, por një sanksion të dhënë me marrëveshje për një vepër që ai këmbëngul se nuk e ka kryer.
Thanza tha se prokuroria kishte bërë pjesë të fashikullit hetimor edhe vendimin e Kpk, i cili është administrativ dhe ndalohet t’i bashkangjitej çështjes.
“E servirën sikur kapën peshkun e madh. Por unë sa të kem frymë nuk do rresht së kërkuari të drejtën dhe drejtesinë”, tha Thanza.
Fraksion.com
