Shtohet përdorimi i syzeve; Shkak teknologjia dhe cilësia e keqe e ushqimit
Ekspertët thonë se deri në vitin 2050, pra pas gati 30 vjetësh, gjysma e popullsisë do të mbajë syze.
“Jeta në metropol, nëpër hapësira të vogla, përqëndrimi për orë të tëra në kompjuterë, Ipad, celularë etj, janë shkaktarët kryesore”, tha Alketa Tandili Ajazi, Okuliste.
Mënyra e të ushqyerit ndikon gjithashtu në cilësinë e shikimit. Mjekët rekomandojnë ushqime si peshk, qepë, spinaq, brokoli e fruta të thata që ndihmojnë të parët.
“Është shtuar numri i njerëzve që përdorin syze që në moshë të vogël”, tha Ajazi.
Dikur njerëzit mundoheshin t’i fshihnin problemet me sytë.
“Më para ishte turp, njerëzit të etiketonin si “qorr”, kishin komplekse, ndërsa sot i mbajnë edhe për modë. Ka fejesa që janë prishur për këtë shkak”, thonë qytetarët.
“Ka çifte nga zonat rurale kryesisht që vendosin për vazhdimësinë e bashkëjetesës nga ajo çka do të rezultojë nga vizita. Mbajtja e syzeve nuk është turp, por zgjidhje për një shikim cilësor”, tha okulistja.
Fraksion.com
