Live: Rekomandimi i KE, Soreca dhe Rama në konferencë për shtyp

Kryeministri Edi Rama dhe ambasadori i BE, Luigi Soreca kanë dalë në një konferencë të përbashkët për shtyp, për të komentuar rekomandimin pozitiv të KE.

“Rekomandimi pozitiv pa kushte i Komisionit Europian për çeljen zyrtare të negociatave për anëtarësim të Shqipërisë me Bashkimin Europian, konfirmon se Shqipëria i ka kryer me sukses detyrat e shtëpisë në këtë proces” – shkruan Rama.

Ndërkohë ambasadori i BE-së në Tiranë, Soreca tha “Raporti i miratuar sot është mbështetur në një sërë kontributesh. Vlerësimi që keni marrë sot do të thotë se Shqipëria ka bërë një përparim të rëndësishëm më reformat e saj.

1. Zbatimi i reformës në drejtësi ka vijuar në mënyrë komitente. Vetingu ka nxjerrë më shumë se 140 vendime
2. Lufta kundër krimit të organizuar. Ka pasur një sërë operacionesh ndërkombëtare.
3. Lufta kundër korrupsionit është në hapat e duhur.
4. Marrëveshja e me BE-në për menaxhimin e emigrimit të paligjshëm.
5. Përpjekjet duhen përmirësuar për të çuar përpara të gjitha reformat.

Çelja e negociatave për këto arsye është një fillim i ri i madh për Shqipërinë.

Fraksion.com