Në Tiranë vjen delegacioni i lartë i SHBA; Takime me liderët në Tiranë

Kriza politike dhe mungesa e dialogut mes palëve në Shqipëri po ndiqet me interes edhe nga diplomatët e huaj si në Europë ashtu edhe në Shtetet e Bashkuara të Amerikës.

Pikërisht kjo arsye ka sjellë një delegacion të Kongresit Amerikan dhe Këshillit të Atlantikut për një vizitë në Tiranë.

Delegacioni i Kongresit Amerikan dhe përfaqësues nga Këshilli i Atlantikut në këto momente po zhvillojnë një takim me shefin e qeverisë Edi Rama, ndërsa më herët ata zhvilluan takim edhe me Kreun e Shtetit, Ilir Meta.

Ende nuk ka detaje për atë se çfarë është diskutuar mes palëve.

Gjithashtu në orën 11:15 ky delegacion ka planifikuar takim me kryetarin e Kuvendit Gramoz Ruçi si dhe në orën 15:30 me kreun e Partisë Demokratike.

Delegacioni amerikan shoqërohet nga e ngarkuara me punë e Ambasadës amerikane në Shqipëri, Leyla Moses-Ones

Fraksion.com