Rekord Dogana e Kosovës: Në një vit janë mbledhur 400 milionë euro
Dogana e Kosovës ka pasur që nga fillimi vitit, periudhën e vet më të begatë përsa i takon mbledhjes së të ardhurave.
Deri më sot, thuhet në deklaratë, nuk ishte arritur të kapërcehej niveli i 400 milionëve euro në pjesën e parë të vitit, me saktësisht në pesë mujorin e parë”.
Krahasuar me të njëjtën periudhë të vitit që shkoi, por edhe të viteve të mëparshme, rritja është mjaft e theksuar. Në 2017-tën, shifra ishte 383 milionë euro, ndërsa sivjet, të ardhurat hyrëse përbëjnë një shtim prej rreth 7.6 për qind.
Në fund të nëntorit, vitin e kaluar, qeveria e Ramush Haradinajt vendosi ta çonte nga 10 në 100% taksën doganore mbi produktet serbe dhe ato me origjinë nga Bosnje Hercegovina.
Kryeministri kosovar vazhdon të këmbëngulë në mbajtjen në fuqi të taksës polemizuese, pavarësisht presioneve ndërkombëtare, ndërsa Beogradi e ka shndërruar atë në pengesën kryesore të kthimit të tij në tryezën e negociatave dhe rinisjes së procesit të bllokuar të dialogut.
Fraksion.com
