Zgjedhjet për Bashkinë e Lezhës; Eduart Ndocaj: Ofroj 50 mijë euro për blerje votash

Eduart Ndocaj i njohur si “kaubojsi”, fton të gjithë qytetarët që t’i sjellin prova se kandidati socialist për Bashkinë e Lezhës, Pjerin Ndreu blen vota.

Teksa vetë ka dalë kandidat i pavarur për Bashkinë e Lezhës, Ndocaj me anë të një mesazhi iu bën thirrje gjithë lezhianëve që të faktojnë blerjen e votave.

Ndocaj thotë se nëse qytetarët e Lezhës do të kenë video që faktojnë blerjen e votës më 30 qershor, ai do tu ofrojë 5 mijë euro.

“Kundërshtari im i Rilindjes ka hap thesin me lek. Por Lezha nuk do të shitet këtë radhë. Mos e shitini shpirtin djallit. Nëse ju ofrohen lekë dhe mund t’i bëni një video duke shit votën unë do jua blejë këtë video 5 mijë euro.

Nëse do të jetë edhe Ndreu në këtë video unë do t’ua blejë 50 mijë euro këtë video. Bëjani këtë të mirë Lezhës”, thotë Ndocaj.

Fraksion.com