Regjistrohen kandidatët e Bindjes Demokratike; Arben Skënderi përballë Veliajt

Komisioni Qendror i Zgjedhjeve ka regjistruar sot Arben Skënderin si kandidat për kryetar bashkie në Tiranë, nga radhët e partisë Bindja Demokratike.

Skënderi u votua me 4 vota pro nga mazhoranca dhe një votë kundër nga kryetar i KQZ, Klement Zguri, i cili kërkoi verifikimin e vërtetimeve.

Arben Skënderi do ketë përballë kandidatin e PS dhe kryebashkiakun aktual Erion Veliaj.

Mbledhja e sotme u shoqërua me diskutime pasi i pranishëm ishte edhe sekretari i PD për zgjedhjet Ivi Kaso i cili ankimoi regjistrimin e Bindjes Demokratike si subjekt zgjedhor duke thënë se subjekti duhet të jetë krijuar të paktën 6 muaj përpara procesit zgjedhor.

Kaso tha se partia duhet të zotërojë mandat në të kundërt duhet të mbledhë firmat e nevojshme pasi një subjekt që garon në zgjedhje duhet të dëshmojë mbështetjen në radhët e zgjedhësve.

Fraksion.com