Policia shpërndan militantët e PD-LSI, SHBA: Basha dhe Kryemadhi të ndalin dhunën e protestuesve!

Forcat e Policisë kanë arritur të shpërndajnë një grup militantësh që sulmonin Kuvendin me fishekzjarre dhe mjete të forta.

Ka qenë ndërhyrja e FNSH dhe e autobotëve me ujë që ka trembur protestuesit e mbetur nga PD dhe LSI.

Ndërkohë që Uashingtoni ka reaguar ashpër përmes rrjeteve sociale.

Ambasada Amerikane u bën apel drejtuesve të opozitës, që të ndalojnë aktet e dhunës. Sipas SHBA, kjo nuk shkon paralel me atë çfarë deklaron opozita: Demokracinë.

“Ambasada e SHBA dënon dhunën e pranishme gjatë protestës së sotme.

Objektivi i deklaruar i opozitës për ta bërë demokracinë e Shqipërisë më të fortë shkon kundër dhunës që është duke u ushtruar nga protestuesit.

Dhuna është thelbësisht jodemokratike dhe duhet të ndalojë.

Drejtuesit e protestës kanë përgjegjësinë të nxisin qetësi.

Iu bëjmë thirrje të gjitha palëve që të tregojnë vetëpërmbajtje” – thuhet në deklaratë.