Boeing 737 zbret në një lumë në Florida
143 vetë në bordin e avionit amerikan të pasagjerëve shpëtuan për pak nga një fatkeqësi. Gjatë zbritjes në aeroportin ushtarak Jacksonville, Boeing doli nga pista dhe rrëshqiti në lumin St. Johns.
Curry deklaroi, se presidenti Trump ka ofruar ndihmën e tij. Sipas të dhënave të aeroportit, avioni erdhi nga baza amerikane Guantanamo në Kubë. Televizioni ABC News njoftoi se avioni ishte marrë me qira nga Ministria e Mbrojtjes.
Nga aeroporti i bazës amerikane në Kubë fluturojnë shumë pak avionë. Shpesh në bord janë ushtarë dhe familjarë të tyre.
Arsyeja e këtij aksidenti nuk dihet. Jacksonville ndodhet në brigjet lindore të SHBA në shtetin federal të Floridës.
Pamjet të kujtojnë një aksident tjetër në vitin 2009. Atëherë tre minuta pas nisjes, nga aeroporti La Guardia, një airbus A320 i shoqërisë US Airways u desh të bënte një ulje të detyruar në lumin Hudson. 155 vetë në bord mbijetuan.
Aftësia e pilotit për të bërë një ulje kaq të vështirë u quajt si “mrekullia e Hudsonit”.
Fraksion.com