Britania e Madhe emëron ministër të ri të Mbrojtjes

Znj. Penny Mordaunt do të jetë mimistrja e Mbrojtjes e  Britanisë së Madhe.

Kryeministrja e BM, Theresa May emëroi Penny Mordaunt në postin e ministres së Mbrojtjes, pas largimit të Gavin Williamson.

Williamson është akuzuar për rrjedhje informacioni drejt medieve për vendimin e Londrës për të lejuar, pavarësisht presionit të SHBA-së, një pjesëmarrje të gjigantit kinez ”Huawei” për furnizimin me komponentë jo të rëndësishëm të sistemit të telekomunikacionit, 5G.

Mordaunt, 46 vjeçe, më parë ishte me detyrën e ministres për Bashkëpunimin Ndërkombëtar.

Mordaunt ka një reputacion të mirë te konservatorët dhe konsiderohet si një nga mbështetëset më të vendosura për Brexit brenda qeverisë aktuale të Theresa May.

Fraksion.com