Rama: Berlini mesazh të qartë; Shqipëria meriton çeljen e negociatave

Shqipëria meriton njohjen e arritjeve të derikëtushme, përmes çeljes zyrtare të negociatave për anëtarësim.

Kryeministri Edi Rama gjatë vizitës në Berlin ka zhvilluar dy takime shumë pozitive për Shqipërinë  me kryetaren e SPD, Andrea Nahles dhe nënkryetarin e Grupit Parlamentar të CDU, Johann Wadephul.

“Mesazh i qartë: Shqipëria meriton njohjen e arritjeve të derikëtushme, përmes çeljes zyrtare të negociatave për anëtarësim”, shprehet Rama.

Gjatë takimit me Nahles Kryeministri e njohu me reformat e ndërmarra nga qeveria shqiptare dhe pritshmërinë për një përgjigje pozitive nga vendet anëtare të BE për hapjen e negociatave.

Nahles siguroi Kryeministrin Rama për mbështetjen e pakushtëzuar të grupit socialdemokrat për hapjen e negociatave mes Shqipërisë dhe Bashkimit Europian.

Liderja e partisë socialdemokrate, njëkohësisht dhe kryetare e grupit parlamentar, përgëzoi Kryeministrin për reformat e ndërmarra dhe u shpreh besimplotë për një vendim pozitiv në qershor.

Fraksion.com