Zbulohet roli i kosovarit Ragip Hajdini, ku u “ngjiz” plani për grabitjen në Rinas

Policia po kryen sërish edhe sot kontrolle në banesën e të gjashtit të arrestuar për grabitjen e Rinasit.

“BalkanWeb” mëson po ashtu edhe rolin që kishte Ragip Hajdini nga Kosova në grabitje.

Ai dyshohet të ketë qënë një organizatorëve të grabitjes spektakolare brenda pistës së Rinasit mesditën e 9 prillit.

Pikërisht në zonën e Shkëmbit të Kavajës aty ku edhe ka banesën Hajdini, dyshohet se bashkë me mikun e tij Murataj dhe Klement Çalën nisën të thurnin planin e grabitjes 6 muaj më parë.

Policia u vu në kërkim të Hajdinit pas dëshmisë së bashkëpunëtorit të drejtësisë, Alkond Bengasi, i cili u tha hetuesve se pjesë e grupit kriminal ishte edhe një shtetas nga Kosova rreth 50 vjeç dhe qëndronte në shoqërinë e Admir Muratajt.

Grupi i hetimit duket se nuk e pati të vështirë identifikimin e 50 vjeçarit, për sa kohë Hajdini ishte i skeduar më herët nga policia e Kosovës, por edhe sepse bashkëpunëtori i drejtësisë, arriti mes disa fotosh të vinte gishtin tek shtetasi kosovar.

Fraksion.com