Rama në Shkodër: PD dhe protestuesit bllokojnë rrugën, djegin goma; Në krye Flamur Noka

Simpatizantë të Partisë Demokratike kanë bllokuar aksin hyrës të qytetit të Shkodrës, tek Ura e Bahçallëkut, për të mos lejuar kreun e qeverisë që të kryejë inspektimin e punimeve te Sheshi i Bajzës.

Protestës u janë bashkuar edhe ish-deputeti demokratë Flamur Noka. Nga informacionet e para bëhet e ditur se ka pasur një përplasje me policinë, pasi protestuesit të drejtuar nga Noka kanë djegur goma ne mes të rrugës.

Protestuesit ulen këmbëkryq ndërsa në vendngjarje ndodhen dhe Forcat e Ndërhyrjes së Shpejtë.

“Është e drejtë e qytetarëve të protestojnë. Jeni duke mbrojtur bandën dhe jo shtetin.  Edi Rama nuk përfaqëson shtetin por një bandë që vret dhe vjedh shqiptarët”, tha Noka.

Fraksion.com