Balla: 8 vite burg për kë dëmton zgjedhjet; LSI ka damkën më të turpshme

“Kush guxon të dëmtojë material zgjedhor thotë kodi penal, dënohet me burgim nga 6 muaj deri në 8 vjet. Kur ka sjellë pasoja të rënda në mbarëvajtjen e zgjedhjeve dënohet nga 3 deri në 8 vjet. Nuk ka më budallenj që të dëgjojnë Lulin ose Monikën”.

Kështu tha në seancën e sotme, kreu i grupit parlamentar socialist Taulant Balla.

Ai deklaroi se do të shtohen masat e marra për shit-blerjen e votave.

Sipas tij, për të përfunduar një reformë tërësore të kodit zgjedhor, duke adresuar plotësisht të gjitha rekomandimet e OSBE-ODIHR për të identifikuar një sistem zgjedhor, duhet të ketë një diskutim të hapur mes gjithë aktorëve në Kuvend.

“Nuk kishim asnjë kusht për reformën as me paraardhësit tuaj. Iu kisha thënë merrni një letër të bardhë, shkruajeni si të doni, ne do ta miratojmë sepse është e rëndësishme të kemi zgjedhje me standarde. Jam i sigurt se zgjedhjet e 30 qershorit do të jenë të mira e me standarde. Përshëndes partitë që janë regjistruar. Ne duhet të fillojmë punën për të ashpërsuar dënimet për shitblerjen e votave”, deklaroi Basha.

Ai shigjetoi edhe Lëvizjen Socialiste për Integrim, për të cilën tha se “Ka damkën më të turpshme të blerjes së votës në Shqipëri”.

Ndërkohë shtoi se i vjen mirë që  nga lista e kandidatëve të LSI kërkohet bashkëpunim për të këtë gjë.

Fraksion.com