Pas krijimit të Bindjes Demokratike, Rudina Hajdari mbledh grupin

Prej kohësh dyshohej se ishte Rudina Hajdari që do të krijonte parti të re, për shkak se ishin fotografuar shpesh nën shoqërinë e njëri- tjetrit. Por, Hajdari në një reagim të saj të fundit, tregoi se e mbështeste çdo aletrnativë të re politike, por angazhimi i saj i vetëm do të ishte brenda parlamentit, si kryetare e Grupit Parlamentar të PD.

Me sa duket, të dy palët nuk kanë rënë dakord për partinë e re, gjë që ngjalli dyshime deri në momentin që Patozi u drejtua për regjistrimin e partisë.

Kujtojmë që Patozi e kishte mbështetur vazhdimisht Hajdarin për mosdjegien e mandatit. Madje, ai e uroi për marrjen e saj të detyrë si drejtuese e grupit Parlamentar.

“Opozitë të fortë dhe denoncim të qeverisë së korruptuar, në mbrojtje të interesit publik. Përfaqësim dinjitoz të zgjedhësve në parlament dhe përgatitje e alternativës së re për qytetarët shqiptarë”, shkruante Patozi.

Prej kohësh Patozi kishte lajmëruar lëvizjet e veta, por që askush nuk e kishte konsieruar si figurë qendrore. Që pas largimit nga PD, ai kishte kërkuar largimin e Bashës dhe zëvendësimin e tij. Të njëjtën kërkesë e kishte përsëritur së fundi, ku e akuzoi hapur Bashën për djegien e mandateve. Sipas tij, një lider i ri, do ta nzirrte partinë nga rrënimi i plotë. Duke qenë se nuk gjeti mbështetjen e duhur brenda demokratëve të Bashës, u detyrua të krijojë një alternativë të re për shqiptarët, siç e quan ai.