Protestuesit në Paris: Notre Dame nuk është problemi i vetëm i Francës

Protestuesit e njohur si “Jelekët e Verdhë” në Francë, kanë ndezur zjarre simbolike përgjatë marshimit në Paris, për të çuar mesazhin tek presidenti Emmanuel Macron se rindërtimi i katedrales Notre Dame, nuk është problemi i vetëm që Franca duhet ta zgjidhë.

Sikur uniformat që mbajnë protestuesit për të rënë në sy, zjarret simbolike raportohet se janë bërë për të tërhequr vëmendjen e presidentit nën moton “Më shiko edhe mua – edhe unë kam nevojë për ndihmë”.

Policia ka hedhur ujë dhe gaz lotsjellës në drejtim të protestuesve për të vënë nën kontrollë situatën.

Protestuesit kanë shënuar fundjavën e 23-të të aksionit “Jelekët e Verdhë” kundër qeverisjes së Macronit, të cilën ata e shohin favorizuese ndaj të pasurve dhe bizneseve të mëdha. Protestuesit në Francë thonë se e përfaqësojnë punëtorin, studentin, pensionistin si dhe janë dëmtuar nga papunësia e lartë dhe taksat e larta në vend.

Fraksion.com