Shkon në 109 numri i deputetëve; KQZ u jep mandatin deputetëve nga PD-LSI

Ditën e sotme kanë dorëzuar në KQZ formularin e vetëdeklarimit edhe tre kandidatë të rinj nga listat e Partisë Demokratike të cilët pranojnë mandatin e deputetit.

Mes tyre, edhe Artur Roshi, kryetar i Partisë Balli Kombëtar Demokrat.

Pas hyrjes në Kuvend të Adriatik Alimadhit, kryetar i PBK, Roshi bëhet i dyti ligjvënës ballist.

Dorëzuan formularët e dekriminalizimit:

Artur Rroshi nga PD Tiranë (PBKD)

Nikolin Staka nga PD Shkodër

Zef Shtjefni nga PD Shkodër

Bashkë me ta shkon në 109 numri i deputetëve. Ndërkohë që opozita e re bëhet me 30 deputetë nga të cilët 17 të Partisë Demokrate dhe 13 nga LSI.

Komisioni Qëndror Zgjedhor i ka dhënë sot mandatin 4 kandidatëve nga lista e PD dhe LSI të cilët kanë dorëzuar formularin vetëdeklarimit.

Kandidatët që morën mandatin nga KQZ

Floriana  Dhimitri nga nga PD Gjirokastër

Andi Përmeti nga PD Korçë

Eugen Bojaxhi nga LSI Berat

Erion Piciri nga PD Tiranë

Ata pritet të betohen në Kuvend në seancën e radhës plenare. Po sot KQZ shpalli të pavlefshëm kandidaturat nga listat e PD dhe LSI për shkak të përfudimit të parakohshëm të mandatit të deputetit.

 

Fraksion.com