Hahn: Ballkani Perëndimor ka një dritare të hapur mundësish
“Bashkimi Evropian ka kohë që është angazhuar fuqimisht në rajonin e Ballkanit dhe ka mbështetur të ardhmen e tij si pjesë integrale e BE”, thotë komisioneri evropian Johannes Hahn.
Ai nënvizon se Shqipëria dhe Maqedonia e Veriut janë një shembull i mirë se “si angazhimi i BE-së me Ballkanin Perëndimor po ndihmon rajonin të ndërtojë një të ardhme më të mirë”.
Duke folur për marrëveshjen e Prespës midis Maqedonisë Veriore dhe Greqisë, ai është i bindur se shtetet anëtare të BE do të pranojnë përparimin e dukshëm të Maqedonisë së Veriut, duke hapur negociatat e pranimit me të para verës. Shqipëria është një tjetër shembull pozitiv në rajon, shton ai.
“Ballkani Perëndimor tani ka një dritare të hapur mundësish. Megjithatë, pranimi në BE është një sfidë që kërkon përpjekje të forta të përbashkëta. Mbetet ende shumë për t’u bërë. Anëtarët e ardhshëm duhet të respektojnë vlerat e BE-së dhe të punojnë në pajtimin dhe bashkëpunimin rajonal. Përveç kësaj, shtetet anëtare të BE-së duhet të përmbushin angazhimet e tyre në të cilat ata gjithmonë kanë rënë dakord në mënyrë unanime”, përfundon Hahn.
Fraksion.com
