Rama me studentët: Do kemi kantierin më të madh të investimeve në arsim
“Qytet Studenti – Në godinat 28/29 ku kanë përfunduar punimet në ambientet e përbashkëta, sallë e re leximi 📚 e 🚿 të reja. Në pritje të fundvitit akademik për të ndërhyrë në rikonstruksion total 😊”, informon sot kryeministri Edi Rama, ndërsa ka zhvilluar sot një takim me studentët në lidhje me investimet në konvikte.
Ai ishte paraditen e sotme në Qytetin Studenti, për tu takuar me studentët dhe për të parë nga afër punën për rikonstruksionin e konvikteve.
Gjatë fjalës së tij, shefi i qeverisë u zotua se do të hapë kantierin më të madh në arsim, duke investuar në sektorë të ndryshëm.
Besoj që deri në fund të këtij mandati, të gjithë konviktet e Shqipërisë do jenë rindërtuar me këto standarde. Për një pjesë të mirë të dhomave ndërhyrja do bëhet gjatë verës.
Me fillimin e mandatit të ri të Bashkisë së Tiranës do të ecim me punën për Kampusin. Është një investim goxha i madh por do bëhet. Ashtu siç do fillojnë në fund të këtij viti e në fillim të vitit të ardhshëm investimet e tjera për auditorët etj. Hap pas hapi do kemi kantierin më të madh të investimeve në arsim në të gjithë këto 30 vite. Do investohet në arsim, siç nuk është investuar ndonjëherë në këtë sektor”, tha Rama.
