Grabitja në Rinas: Policia dhe RENEA kontrolle blic në fshatin Dritas

Policia dhe RENEA po zhvillojnë një aksion në fshatin Dritas për kapjen e grabitësve të eurove në Rinas ditën e djeshme.

Fshati Dritas ndodhet pranë Tapizës, aty ku dyshohet se mund të jenë fshehur autorët. Pikërisht në këtë zonë u gjet edhe makina e tretë e djegur.

Forcat RENEA po kryejnë kontrolle për kapjen e grabitësve në një avion të linjës Tiranë-Vjenë.

Deri më tani janë kontrolluar disa banesa, por edhe një magazinë, por ende nuk është gjetur diçka e dyshimtë, që të ketë lidhje me grabitjen.

Në terren ka zbritur edhe vetë drejtori i policisë kriminale, Tonin Vocaj si edhe ai i Durrësit, Alfred Çepe.

Gjithashtu edhe drejtori i Rendit dhe Sigurisë në Policinë e Shtetit Gjovalin Leka dhe drejtori i Policisë së Durrësit ndodhen në vendngjare.

Fraksion.com