Rama konfirmon Gjicin per Kukësin: Po s’fituat kampionatin, merrni Bashkinë
Kryeministri Edi Rama ka konfirmuar Safet Gjicin, presidentin e Kukësit për kandidat të Partisë Socialiste për bashkinë e këtij qyteti për zgjedhjet e 30 qershorit.
“Kandidatin për kryetar bashkie, nuk e solla unë, por e gjeta këtu dhe ja ku e keni (duke iu drejtuar Gjicit). E gjetëm mes jush dhe e gjetëm kampion, ose pretendent për kampion, se këtë vit më duket se…. Po të paktën, nëse nuk fituat kampionatin, fitoni bashkinë. Pasi të bëni këtë, fitoni dhe kampionatin”.
Rama më pas e ka komentuar takimin edhe në Twitter.
“Një supertakim në Kukës me mijëra qytetarë, aty ku sot nisëm ndërtimin e aeroportit të ri ndërkombëtar.
Faleminderit të gjithëve, me bindjen se së bashku do ta kthejmë Bashkinë e Kukësit në motor ndryshimi e zhvillimi me #PartinëSocialistedhe #SafetGjicin“, shkruan Rama.
Fraksion.com
