Rama: Investimet që ndryshuan Krujën

Kryeministri Edi Rama sjell sot pamje nga Kruja e Rilindjes Urbane, ku duket qartë ndryshimi  që ka pësuar pjesa tradicionale e qytetit.

Programi Kombëtar i Rilindjes Urbane ka transformuar edhe qytetin historik të Krujës pas dy dekadave të haresës.

Në kuadër të Programit Kombëtar të Rilindjes Urbane, në Krujë është bërë rikonstruksioni i Pazarit të Vjetër, rruga e Kalasë dhe Kulla e saj, duke i dhënë Krujës turistike pamjen mikpritëse që meriton.

Mbi 17 mijë banorë të Krujës por edhe mijëra turistë që vizitojnë këtë qytet përfituan nga financimet e qeverisë për qendrën e rikualifikuar dhe rrugën hyrëse në qytet.

Falë financimit të Fondit të Zhvillimit të Rajoneve vetëm në vitin 2016, në Krujë u financuan rreth 366 milion e 281 milion lekë.

Parkimi nëntokësor, rregullimi i rrugës hyrëse dhe krijimi i hapësirave me ndriçim dhe gjelbërim e bënë këtë qytet me tërheqës për turistët.