Arjola Shehu është një nga moderatoret më simpatike, por edhe më të komentuara në media, ku pa përfolur nuk ka mbetur as jeta e saj private.
Pak kohë më parë për shkak të një komenti në Instagram, u përhap me shpejtësi lajmi se Arjola është në një lidhje me futbollistin Thomas Strakosha.
E ftuar në “Thumb”, Arjola tregoi se mes tyre nuk ka pasur asgjë dhe ajo nuk e ka takuar asnjëherë Thomasin.
“Unë atë njeri nuk e kam takuar njëherë në jetë. Si mund të lidhesh me një njeri që se ke takuar kurrë se ke përshëndetur njëherë nga afër. Strakosha më bëri një koment shumë dashamirës, e kapi një nga portalet dhe filluan.
Tani të më lidhësh me një njeri që unë nuk e kam takuar asnjëherë në jetë, për një koment dashamirës më duket shumë e tepërt ndaj dhe unë nuk kam folur asnjëherë. Ta lëmë të qetë të birin e botës se kushedi ka jetën e vetë”, u shpreh Arjola.
