Bashkëpunimi NATO-Gjeorgji, Stoltenberg: Së bashku përgatisim Gjeorgjinë për anëtarësimin në NATO

Sekretari i Përgjithshëm vlerëson bashkëpunimin NATO-Gjeorgji.

Sekretari i Përgjithshëm i NATO-s Jens Stoltenberg nënvizoi rëndësinë dhe forcën e partneritetit midis NATO dhe Gjeorgjisë gjatë një vizite në Gjeorgji të hënën (25 mars 2019).

Stoltenberg është atje për të vëzhguar stërvitjen NATO-Gjeorgji, trajnim i cili do të përmirësojë aftësinë e forcave gjeorgjiane dhe të NATO-s për të punuar së bashku.

Duke folur  në koferenën e përbashkët pë shtyp me Kryeministrin Mamuka Bakhtadze, Sekretari i Përgjithshëm tha se ushtrimi tregon se si Aleanca dhe Gjeorgjia po rrisin bashkëpunimin e tyre.

 

Deklarata e Sekretarit të Përgjithshëm të NATO-s, Jens Stoltenberg:

“Është një kënaqësi e madhe të rikthehem në Tbilisi për të vizituar Gjeorgjinë gjatë stërvitjes NATO-Gjeorgji. Kjo është hera e dytë që Gjeorgjia pret këtë ngjarje të rëndësishme, demonstrimi i aftësisë të forcave të armatosura gjeorgjiane për të vepruar krah për krah me aleatët dhe partnerët e tjerë. Ky ushtrim organizohet nga Qendra e Përbashkët e Trajnimeve NATO-Gjeorgji e cila ka punuar për të forcuar mbrojtjen e vendit tuaj që kur u inaugurua në vitin 2015.

Ju kam vizituar shumë herë dhe gjithmonë është mirë të kthehem. Këtë herë, unë do të vizitoj stërvitjen e GEO të NATO-s. Gjeorgjia është një partner unik për NATO-n.

Verën e kaluar në Bruksel të gjithë udhëheqësit e NATO-s rikonfirmuan vendimin e Bukureshtit që nga viti 2008 që Gjeorgjia do të bëhet anëtare e NATO-s. Ju jeni kontribuesi më i madh jo anëtar i NATO-s në Misionin Mbështetës të Përhershëm në Afganistan.

Ju kontribuoni në Forcën e Reagimit të NATO-s dhe ushtrimi NATO-Gjeorgji këtë javë demonstron se ne po forcojmë bashkëpunimin tonë.

Gjeorgjia ka bërë shumë përparim në reforma të rëndësishme. Përfshirë forcimin e rolit të parlamentit në mbikëqyrjen e sektorit të sigurisë dhe reforma e gjyqësorit të Gjeorgjisë. Isha i lumtur të dëgjoj se këto përpjekje do të vazhdojnë.

Përpjekjet tuaja për modernizimin e forcave të armatosura dhe për të ndërtuar institucione mbrojtëse më efektive kanë qenë gjithashtu shumë mbresëlënëse. Unë gjithashtu e mirëpres përkushtimin tuaj për të shpenzuar 2% të PBB-së në mbrojtje dhe përgëzoj Gjeorgjinë për shpenzimin e 20% të PBB-së në pajisje dhe modernizim. Kjo forcon ushtrinë tuaj dhe kontributin tuaj për sigurinë rajonale. Unë i mirëpres përpjekjet tuaja në të gjitha këto fusha dhe ju inkurajoj që të vazhdoni të përdorni plotësisht të gjitha mundësitë për t’u afruar më pranë Aleancës dhe për t’u përgatitur për anëtarësim.

NATO mbështet plotësisht integritetin territorial të Gjeorgjisë brenda kufijve të saj të pranuar ndërkombëtarisht. Ne i bëjmë thirrje Rusisë që t’i japë fund njohjes së rajoneve të Abkhazisë dhe Osetisë së Jugut dhe të tërheqë forcat e saj.

Ne gjithashtu ndajmë shqetësimet tuaja rreth vendosjeve ushtarake të Rusisë në rajonin e Detit të Zi.

Kjo është arsyeja pse ne po forcojmë bashkëpunimin midis forcave tokësore të Gjeorgjisë dhe NATO-s. Pse po japim trajnime për ekipet e Rojes Bregdetare të Gjeorgjisë dhe arësyeja përse Komanda Detare e NATO-s po bashkëpunon me Qendrën e Përbashkët Operacionale të Gjeorgjisë. Gjatë takimit tonë sot kemi diskutuar se si mund ta rrisim bashkëpunimin, jo më pak midis forcave tona detare.

Kryeministër, më lejoni t’ju falënderoj për mikpritjen tuaj. Ne do të vazhdojmë të punojmë së bashku për të përgatitur Gjeorgjinë për anëtarësimin në NATO. Gjeorgjia është një kontribues i besueshëm për sigurinë tonë të përbashkët. Pres që të vazhdoj të punoj me ju, ndërsa Gjeorgjia i afrohet NATO-s.”

 

Fraksion.com