Deputetët e Macron: Kemi parasysh përpjekjet që bën Shqipëria për reformat; Reforma në drejtësi është ekzemplare

Deputetët franceze të cilët kanë ardhur në Shqipëri në emër të Presidentit Macron kanë deklaruar se nuk duan të përfshihen në çështjet e brendshme politike në Shqipëri.

“Gjatë takimeve tona në Shqipëri  kemi pasur takime edhe me qeverinë dhe me opozitën. Ne e kuptojmë qëndrimin e secilës parti. Për momentin nuk duam të ndërhyjmë në debatin e brendshëm shqiptar.  Por unë mendoj që për të patur sa më shumë sinqeritet në vendimmarrje këtu në Shqipëri, duhet edhe një konsensus nga ana e publikut. Duhet të kemi një lloj sqarimi si Shqipëria i trajton marrëdhëniet me vendet fqinje. Ne duam të kemi parasysh edhe përpjekjet që bën Shqipëria për reformat, sidomos për reformën në drejtësi që është ekzemplare. Kemi nevojë për institucione që funksionojnë. Unë besoj se shqiptarët do të gjejnë zgjidhje për këtë.”

Pyetjes se  a është gati Franca të thotë PO në qershor , në këto kushte që është Shqipëria, Deputeti francez  u përgjigj se “Nuk mendoj se përgjigja është kur Franca do të thotë PO, por kur do të jetë gati Franca për tu shprehur.

Se kur Franca do të jetë e gatshme të thotë se kur Shqipëria do të jetë pejse e BE nuk është një risi, por është një pikë shumë e rëndësishme. Nëse zgjerimi do të ishte diçka për të frikësuar qytetarët për zgjerimin e BE, edhe kjo mund të ndodhë.

Përpjekja jonë është letra e Macron, kjo do të thotë që të kemi një komision të ri, një parlament të ri dhe një këshillë të re gjithashtu, një shumicë progresiste në Evropë, sepse po të kemi një mazhorancë të ekstremit të djathtë do të kemi  më shumë probleme në Evropë.

Nga ana e tij, kryetari i grupit parlamentar të PS, Taulant Balla u shpreh i sigurt se në qershor Shqipëria do të hapë negociatat me BE.

“Ne kemi një bashkëpunim të mirë me parlamentin francez. Franca është një prej vendeve më të rëndësishme të BE dhe që mbështet procesin e zgjerimit dhe anëtarësimin e vendeve të Ballkanit Perëndimor në BE.

Jam i sigurt që në qershor Shqipëria do të hapë negociatat. Jam  sigurt edhe për bashkëpunim me Parlamentin francez.”

Fraksion.com