OSBE: Akuzat për shitblerje votash, besimi i publikut në rrezik

Një tryezë mbi zbatimin e dekriminalizimit ka bërë bashkë, kreun e OSBE-së në Tiranë, Bernd Borchardt, kryeprokuroren Arta Marku si dhe kreun e KQZ-së, Klement Zguri. Gjatë fjalës së tij, kreu i prezencës së OSBE-së e ndali theksin tek situata politike.

“Jemi shumë pranë zgjedhjeve të qershorit, por Shqipëria po kalon një moment kritik. Për fat të keq ndryshimet e kërkuara dhe reforma zgjedhore nuk është votuar, ka ngecur në Kuvend”, tha Borchardt.

Sipas tij, akuzat politike për shitblerje votash duhet të marrin një përgjigje konkrete, pasi minojnë besimin e publikut.

“Akuzat politike për integritetin e shtetit minojnë besimin e publikut, nxis pjesëmarrësit të fokusohen në dekriminalizimin e kandidatëve në zgjedhje. Siç theksohet në raportin e fundit të ODIHR, autoritetet duhet t’i japin përgjigje akuzave për shitblerje votash pasi është vënë në rrezik besimi i publikut”,- tha Borchardt ndër të tjera.

Fraksion.com