Edi Rama darkë me të vetët; Zbulohet vendi dhe ora

Ditën e nesërme Kuvendi i Shqipërisë do të zhvillojë seancën e radhës parlamentare, ku do të betohen edhe 6 emrat e rinj të opozitës, të cilët do të ulen në karriget e lëna bosh nga djegia e mandateve që PD, LSI dhe aleatët e tjerë bënë.

Nuk dihet ende nëse do të ketë protestë opozitare para Parlamentit, pasi selia blu nuk ka njoftuar diçka të tillë, por nga selia rozë ka zhvillime dhe njoftohet për një darkë pune të qeverisë në mbrëmje pas seancës, në qytetin e Elbasanit.

Duket se kryeministri Edi Rama ka vendosur të ç’tensionojë disi klimën e trazuar që ka imponuar mjedisi politik tek të vetët, duke organizuar një mbrëmje pune dhe “qejfi”, ku do të marrin pjesë ministrat, kryesia e PS dhe deputetët.

Darka do të zhvillohet në orën 18:30 dhe vjen 3 muaj para zgjedhjeve lokale të 2019-ës që kanë prodhuar ethe në të dy kampet e politikës.

Në mbledhjen e të majtëve pritet që të diskutohet për situatën politike në vend, zgjedhjet lokale dhe kongresin e 23 marsit.

Fraksion.com