Basha mbyll protestën: Shihemi në betejën e radhës; Këndon himnin

Mijëra protestues janë grumbulluar në oborrin e selisë blu pas dorëzimit të mandateve në Kryesinë e Kuvendit.

Ka qenë Lulzim Basha ai që ka folur para të pranishmëve, duke u kërkuar të brohorasin “E duam Shqipërinë si e gjithë Europa”.

Ai i ka cilësuar të pranishmit si misionarë të shpresës.

“Opozita parlamentare sot dorëzoi mandatet dhe i vuri kryqin parlamentit të krimit. Nga sot ne jemi qytetarë të thjeshtë me ju dhe për ju” – tha Basha ndër të tjera.

Kreu i PD u shpreh se vendi do të ketë një të ardhme për të gjithë që duan t’i japin fund padrejtësisë.

Ai iu drejtua protestuesve duke u shprehur se beteja do të vijojë, teksa ka nisur të këndojë himnin e flamurit.

Fraksion.com