Marsela Çibukaj konfirmon lidhjen me këngëtarin shqiptar

Disa kohë më parë, këngëtari Vitmar Basha tregoi se është në një lidhje dashurie me Marsela Çibukaj.

Nuk ka vonuar edhe konfirmimi nga ana e këngëtares e cila ka zgjedhur koncertin e tij, për ta bërë publike lidhjen.

“Janë disa gjëra që nuk shpjegohen dot me fjalë…sidomos dashuria”,-shkruan Marsela bashkangjitur fotove ku shfaqet me partnerin e saj, Vitmarin.

Vitmari ka jetuar 15 vite në Itali, por u rikthye në Shqipëri në vitin 2009. Ai u shpreh kohë më parë në emisionin “Lart e poshtë” se Marsela ka qenë muza e tij për këtë album të ri.