Kongresmeni Engel: Serbia nuk do të integrohet në BE pa njohur Kosovën

Në kushtet kur ka një ngrirje të dialogut mes Prishtinës dhe Beogradit, Kongresmeni amerikan, Eliot Engel ka paralajmëruar Serbinë se nuk do të ketë integrim në Bashkimin Evropian pa njohjen e Kosovës.

Engel ka sjellë në vëmendje apelin e ambasadorit gjerman Christoph Heusgen në Këshillin e Sigurimit, që tha se Kosova është e pavarur, dhe njohja e këtij realiteti është e vetmja mënyrë që Serbia të ecë përpara në rrugën drejt Europës.

“Serbia duhet t’i trajtojë me shumë kujdes fjalët e ambasadorit gjerman Christoph Heusgen në Këshillin e Sigurimit të bëra të enjten, sepse nuk do të mund të integrohen në Bashkimin Evropian derisa nuk e njohin Kosovën”

Ndërkohë, njohja e Kosovës nga ana e Serbisë duket një realitet i largët në kushtet ku mes vendeve ka një debat për tarifat ndaj produkteve serbe. Po ashtu, dy krerët e shteteve, Thaçi dhe Vuçiç kanë hedhur idenë e korrigjimit të kufijve.

Fraksion.com