Balla vijon replikat: Shkëlzen! Pse ti dhe motra nuk shkoni dot në Amerikë?
Kreu i Grupit PS, Taulant Balla, ka vijuar replikat me djalin e ish-kryeministrit Berisha.
Përmes Facebook, Balla shkruan se Shkëlzen Berishës dhe Argita Malltezit u refuzohet viza amerikane.
“Shkelzen! Ti ke të drejtë që vazhdon leh, përderisa akoma drejtësia është mes dritës dhe errësirës dhe errësirën e kontrollon ti me tët atë!
Por meqë sot dole nga strofkulla a nuk na thua, kur do shkosh në Amerikë?!
Ose më saktë, pse gojet e liga thonë se nuk të japin më biletë për Amerikë as ty dhe as motrës tende, se kunatit jo e jo?!” – shkruan Balla në Facebook.
Më herët sot Taulant Balla dhe Shkëlzen Berisha kanë dalë në deklarata të njëpasnjëshme për shtyp. Në përfundim të seancës në Gjykatën e Tiranës për aferën e CEZ, kreu i Grupit Socialist kërkoi që drejtësia të mos pushojë hetimet për Sali Berishën.
Duke komentuar aferën e CEZ, Taulant Balla tha se shqiptarët humbën 419 milionë euro ndërkohë që Prokuroria nuk mund të thotë se nuk poe gjen dot shtetasin Nue Kalaj.
“I bëj thirrje Prokurorisë së Tiranës dhe Gjykatës të mos përdori makinacione për të ndaluar procesin ndaj Shkëlzen Berishës dhe Nuel Nik Kalaj i qëndroj akuzës time pasi janë vjedhur 419 milion euro duke u përdorur kompania CEZ. I bëj thirrje të vijoj hetimet. Prokuroria Speciale ngrihet së shpejti, dhe të jetë kjo dosja e parë që do verifikojë. Çdo akuze do i shkoj deri në fund, jam vetë në gjykatë tregon se të gjitha akuzat të vërtetohën plotësishtë. Nuk mund të thotë prokuroria se nuk gjern dot Nuen Kalaj sepse ai kandidon për anëtar këshilli në një komunë në Kosovë. Shkëlzen Berisha ka marrë 200 mijë euro nga koncesionet, pra babai i jepte koncesionet i biri merrte paratë. Për fat të keq, dita e gjykimit për ata po afron dhe ajo ditë nuk ndalet” – tha Taulant Balla.
Por e menjëhershme ka qenë përgjigja e Shkëlzen Berishës. Djali i ish-kryeministrit tha sot se nën hetim duhet të jetë Taulant Balla dhe biznesmeni Edmond Bego. Sipas Berishës, Bego ka përfituar 6 milionë euro në tendera në mënyrë të paligjshme.
“Ironia është që në periudhën e hetimit, i pandehuri më akuzonte mua për persona që nuk kam asnjë lloj kontakti. Ai vetë udhëtonte me një trafikant droge nëpër destinacione të europës. Ky trafikant, Edmond Bego, ka marrë pjesë në mënyrë të paligjshme në tendera duke fituar 6 milionë euro” – deklaroi Shkëlzen Berisha.
Fraksion.com
