AktualitetTë fundit

Shkarkohet drejtori i Burgjeve Stefan Çipa

Lirohet nga detyra drejtori i përgjithshëm i Burgjeve Stefan Çipa. Ai qëndroi vetëm 5 muaj në detyrë, pasi u emërua në shtator të 2018 duke zëvendësuar Arben Çukon, i cili pasi u lirua u arrestua, ndërsa tani po hetohet në arrest shtëpie.

Nuk dihet ende se kush do jetë pasuesi i tij.

Kujtojmë se disa drejtues janë ndërruar që nga 2013 tek Burgjet, duke nisur me Artur Zoton, Arjan Hoxhën, Arben Çukon deri sot me Stefan Çipën.

Çipa vinte nga detyra e zv/ministrit të Brendshëm. Në zgjedhjet e vitit 1997, Çipa u zgjodh deputet i Kuvendit të Shqipërisë për herë të parë, e më pas edhe në 2 legjislatura të tjera. Gjatë legjislaturës 1997–2002, ka mbajtur funk­sionin e zv/kryetarit të Komisionit parlamentar të Sigurisë Kombëtare. Në muajin shkurt 2002, emërohet Ministër i Rendit Publik, detyrë që e ushtroi deri në muajin gusht 2002. Në zgjedhjet lokale të vitit 2011, z. Çipa u zgjodh Kryetar i Bashkisë së Sarandës, për një mandat 4-vjeçar. Në datë 13 Janar 2016, u emërua nga Këshilli i Ministrave, zëvendësministër i Punëve të Brendshme.

 

Fraksion.com