“Puthuni dhe përqafohuni për Arsimin”: Aktori Kastriot Çaushi “këshillon” deputetët e PD dhe PS

Deputetët në Komisionin e Medias nuk i kursyen zënkat edhe para trupës së rektorëve të Universiteteve publike, të cilët ishin thirrur në një seancë dëgjimore.

I impresionuar nga “shfaqja”, Rektori i Universitetit të Arteve, Kastriot Çaushi, pati një këshillë për ligjvënësit shqiptarë, përmes duarve të të cilëve kalojnë jo vetëm çështjet e arsimit të lartë por edhe fatet e vendit.

“Dihet që ligjet i vendos politika.Dua tu jap një këshillë: Bëhuni bashkë ju që ne të mund të ecim më mbarë. Sa kam mbaruar një film ku unë puthesha me atë italianen, bënim paqe për një gjë të madhe derisa putheshim. Sa mbaronte, stop. As nuk e njihnim njëri-tjetrin, kishim punët tona, ajo ka ikur në Itali dhe unë jam këtu. Puthuni dhe përqafohuni për një gjë që është e jona dhe e fëmijëve tanë. Po se bëtë këtë gjë do ta keni shumë të vështirë që ne të mund tu vijmë mbrapa dhe tu japim përgjigje për një gjë apo një tjetër. Gjëja më kryesore në një shtet dhe komb është arsimi, gjeni ca ura të për bashkëta ju, në mënyrë që edhe ne të reflektojmë”, tha Rektori i Universitetit të Arteve, Kastriot Çaushi./mapo

Fraksion.com