Rama shkarkon zëvendësminitrin e Infrastrukturës dhe Energjisë; Ja kush mer postin

Pas shkarkimit të 7 ministrave dhe zëvendëskryeministres, Senida Mesi, kryeministri Rama ka vijuar ndryshimet në kabinetin qeveritar.

Pasi largoi nga detyra, Damian Gjiknurin, më datë 23 janar, Rama ka firmosur shkarkimin nga detyra edhe të zëvendësministrit të Infrastrukturës dhe Energjisë, Enis Aliko.

Vendimi nuk është publikuar në faqen e Kryeministrisë, por ky vendim është bërë publik pasi është botuar në Fletoren Zyrtare.

  Ilir Bejtja

Edi Rama ka vendosur të rikthejë në detyrën e zv.ministrit të Infrastrukturës dhe Energjisë, ish-deputetin e Elbasanit, Ilir Bejtja.

Ky i fundit ishte drejtor në Ministrinë e Infrastrukturës, kur ajo drejtohej nga Damian Gjiknuri.

Nuk dihen arsyet e shkarkimi nga ky funksion i zëvendësministrat, Enis Aliko, i cili me profesion është inxhinier i naftës.

Por prej disa ditësh, ministrja e re, Belinda Balluku po “pastron” disa krerë të drejtërive të Ministrisë së Infrastrukturës dhe Energjetikes, të cilët ishin të përfshirë në tenderat e firmës “DH Albania”.

Fraksion.com