Gent Ibrahimi: Jam krenar që kam punuar për Soros, s’kam lidhje me PS

Kryetari i Këshillit të Lartë të Prokurorisë, Gent Ibrahimi ndihet krenar që ka punuar për Soros. Në një intervistë për Ora News, ai e pranon një fakt të tillë, por mohon të ketë lidhje me Partinë Socialiste.

Ju kanë cilësuar si një jurist që keni punuar për Sorosin edhe pse nuk është herezi, por edhe për lidhje të ngushta me PS?

“Ajo e para është shumë e vërtetë dhe jam shumë krenar. E dyta nuk është aspak e vërtetë. Është thjeshtë një ide që qarkullon me këmbëngulje, por që nuk është e vërtetë.”

Duke qenë edhe në qendër të vëmendjes, si institucion i ri ka patur akuza se duke marrë në kontroll shumicën e KLP, Arta Marku ka realizuar dy goditje, një në favor të saj dhe një përllogari të PS…

“ Nuk e di. Unë i njoh anëtarët e KLP prej  pak kohësh. Të gjithë anëtarët janë njohje të reja. Ecuria e deritanishme ka qenë optimale, me këta njerëz jemi marrë vesh për gjithçka. Ka një debat konstruktiv, ka ide që janë profesionale dhe njerëzore, të cilat kanë kulmuar në këto vendime. Unë nuk e di nëse ndonjëri prej tyre ka simpati apo antipati për  kandidat të mundshëm. Jemi njerëz dhe mund të kemi edhe qasje të tilla tek rastet konkrete, por përsa kohë që proceset për identifikimin e kandidatëve dhe për përzgjidhjen e tyre finale bëhen kritere objektive, simpatitë dhe antipatitë kanë aq vlerë sa mund të ketë fjala.”

Fraksion.com