Dreçun: Serbia ta shqyrtojë mirë letrën e Trumpit, ndoshta është oferta e fundit e SHBA-së
Politikani serb, Milovan Drecun, thotë se Serbia duhet të mendojë mirë për letrën e dërguar nga presidenti i SHBA-së, Donald Trump, për Aleksander Vuçiqin dhe Hashim Thaçin, pasi sipas tij kjo duket të jetë oferta e fundit nga Shtetet e Bashkuara të Amerikës që ka për qëllim arritjen e një marrëveshjeje kompromisi për të dyja palët, transmeton Gazeta Express.
“Involvimi i SHBA-së tregon se ata dëshirojnë të zhbllokojnë dhe të përshpejtojnë dialogun, siç ka thënë Trump, për të festuar në Shtëpinë e Bardhe”, ka thënë Drecun.
Sipas tij, një letër e tillë duhet menduar me shumë kujdes.
“Unë mendoj se duhet të jemi jashtëzakonisht të kujdesshëm me këtë letër”, ka thënë politikani serb për TvPink.
Trump në letrën e dërguar Aleksander Vuçiqit, gjithashtu, ka ftuar Serbinë dhe Kosovën që të përmbahen nga deklarata dhe veprime të cilat mund të ndikojnë negativisht në zgjidhjen finale.
Sipas presidentit amerikan, zgjidhja e problemit Kosovë – Serbi do të ndikonte në sigurinë dhe stabilitetin e rajonit. / Express
Fraksion.com
