Tensionohet protesta: Studentët tentojnë të ‘rrethojnë’ kryeministrinë

Prej orës 11:00 qindra studentë janë para kryeministrisë. Në fillim ishte një grup studentësh, por më pas iu bashkuan të tjerë, të cilët në fillim kishin marshuar nëpër rrugët e Tiranës duke bllokuar qarkullimin e makinave në disa akse kryesore.

Por situata ka tensionuar rreth orës 13:30.

Studentët kanë tentuar që të rrethojnë kryeministrinë në mënyrë simbolike, por janë përplasur me forcat e rendit. Protestuesit thonë se policia i ka goditur.

Një grup studentësh kanë dashur që të kalojnë në pjesën e pasme të kryeministrisë, për ta rrethuar atë, por kordoni i policisë i ka penguar, çka ka sjellë dhe një përplase mes tyre.

Duket se në këtë përplasje ka pasur qëndrime të ndryshme nga ana e studentëve, ku një pjesë kanë shtyrë dhe njëri-tjetrin.

Studentët janë shprehur më herë se do të kishte një lëvizje surprizë nga ana e tyre, po nuk dihet nëse kjo synonte rrethimin e kryeministrisë.

Fraksion.com