Studentët vijojnë rezistencën para kryeministrisë
Studentët vijojnë rezistencë para kryeministrisë.
Me thirrjet: “Rezistence! Ejani mblidhuni këtu! Nuk na ndal bora, nuk na ndal shiu, jemi rracë e fortë jemi frymë veriu!”studentët shprehen të vendosur për të vijuar rezistencën e tyre për plotësimin e 8 kërkesave.
Moti i keq dhe me shi nuk i favorizon shumë megjithatë ata vijojnë të qëndrojnë para kryeministrisë edhe pse në orën 10: 45 nuk janë të shumtë aq sa ditët e tjera.
“Nuk ka rëndësi vendi se ku do protestojmë, rëndësi ka që ne nuk heqim dorë nga plotësimi i 8 kërkesave. Sikur të japësh 3 milionë asnjë nuk vjen aty. Plotëso kërkesat” tha një student me megafon duke iu përgjjgjur thirrjes që Rama bën përmes rrjeteve sociale, ekraneve televizive, apo parlamentit për dialog
Ora News prej 10 ditesh vijon të transmetoje live dhe minute pas minute protestën e studenteve.
Ora 10:50 Përkrahja nga studentët në rrethe
Nderkohë një grup studentësh nga Lezha, jane nisur në këmbë nga kryqëzimi i Milotit drejt Tiranës për tju bashkuar protestës. Edhe në Gjirokastër, Vlorë dhe Korçë dhe Shkoder studentët protestojnë
(Foto: Studentet po marshojne drejt Tiranes)
Ora 10:22 Studentët e Shkencave të Natyrës dhe të Mjekësisë po marshojnë drejt Bulevardit për t’iu bashkuar studentëve para kryeministrisë
(Foto: LSA)
Studentët kaluan natën para kryeministrisë
Ndërkohë një grup studentësh kaluan natën para kryeministrisë edhe pse temperaturat kanë qenë të ulëta dhe ka pasur reshje shiu. Kjo ishte nata e trete që një grup studentësh kaluan natën jashtë.
Kjo është dita e 10-të e rezistencës së studentëve.
Fraksion.com
