Sekretari i Përgjithshëm i NATO-s dhe Presidenti i Ukrainës diskutime për zhvillimet në dhe përreth Detit të Azov

Sekretari i Përgjithshëm i NATO-s Jens Stoltenberg dhe Presidenti ukrainas Petro Poroshenko u takuan të enjten (13 dhjetor 2018) për të diskutuar zhvillimet në dhe përreth Detit të Azov dhe mbështetjes së fortë të Aleancës për Ukrainën. Z. Stoltenberg riafirmoi mbështetjen e plotë të NATO-s për integritetin territorial dhe sovranitetin e Ukrainës, duke vënë në dukje se NATO ka rritur praninë e saj në rajonin e Detit të Zi gjatë viteve të fundit dhe do të vazhdojë të vlerësojë qëndrimin e saj.

Sekretari i Përgjithshëm theksoi se aleatët e NATO-s mbeten të shqetësuar nga tensionet e larta në dhe rreth Detit të Azov. “Nuk mund të ketë justifikim për përdorimin e forcës ushtarake nga Rusia kundër anijeve dhe marinarëve ukrainas,” tha ai. Ai shtoi se NATO dënon ndërtimin e urës Kerch Straight, e cila paraqet një tjetër shkelje të sovranitetit dhe integritetit territorial të Ukrainës.

Stoltenberg pohoi se NATO do të vazhdojë të sigurojë Ukrainën me mbështetje të fortë politike dhe praktike, duke përfshirë rreth 40 milionë euro të zotuara nga Aleatët për Fondet e Mirëbesimit NATO-Ukrainë. Ai njoftoi gjithashtu se NATO do të japë pajisje të sigurta të komunikimit për Forcat e Armatosura të Ukrainës deri në fund të vitit.

Stoltenberg përgëzoi Presidentin Poroshenko për angazhimin e tij ndaj procesit demokratik, duke theksuar se qeverisja e mirë dhe reforma do ta sjellin Ukrainën më afër hyrjes në Aleancë. Sekretari i Përgjithshëm i inkurajoi Ukrainës që të vazhdojë zbatimin e reformave kyçe, përfshirë  kontrollin më të madh civil mbi shërbimet e sigurisë dhe të inteligjencës, kundër korrupsionit dhe të drejtat e pakicave. “Aleatët njohin aspiratat e Ukrainës për t’u bashkuar me Aleancën,” tha ai.

Fraksion.com